Mańǵystaýda bıylǵy úshinshi úshem dúnıege keldi

AQTAÝ. QazAqparat - Mańǵystaýda bıyl úshinshi ret úshem dúnıege keldi. Olar búgin úıine shyǵaryldy, dep habarlaıdy QazAqparat tilshisi.

Mańǵystaýda bıyl 6057 sábı dúnıege kelgen. Onyń 114 –i egiz. Ótken jylǵy kórsetkishpen salystyrǵanda, bıyl úshem sany joǵary.

Úshemdi Nazym Tursynova joldasymen birge 9 jyl kútken. Alǵashqy sábıi bolǵandyqtan ýaıymdaǵanyn da jasyrmady.

Balalardyń bireýi - 1,500 gr, ekinshisi - 1,400 gr, taǵy bireýi - 850 gr bolyp dúnıege kelgen.

«Rasynda úshem bosanamyn dep oılaǵan joqpyz. Óıtkeni bul - áýletimizde alǵash ret bolyp jatqan zor qýanysh. Kópten kútken sát bolǵasyn jáne tula boıymdy jaryp shyqqan tuńǵyshym bolǵandyqtan qýanyshymda shek joq. Sondaı-aq kómegin aıamaǵan dárigerlerge rızamyn. Barsha otbasyna osyndaı qýanysh buıyrsyn degen tilek bildirgim keledi», - dedi Nazym Tursynova.