Mańǵystaýda bıyl memqyzmet kórsetý 80% elektrondy formatta júrgiziledi
«Elektrondy Úkimet» damýy men memlekettik qyzmet kórsetý barysy jaıly Mańǵysytaý oblysy boıynsha «Azamattarǵa arnalǵan úkimet» MK» UAQ fılıalynyń dırektory Erbol Baıjigit jáne Mańǵystaý oblysy ákim apparaty basshysynyń orynbasary Ásel Balmanova baıandama jasady.
«Azamattarǵa arnalǵan úkimet» memlekettik korporatsııasynyń Mańǵystaý óńiri boıynsha 11 bólimi, eki sektory jáne bir fılıaly bar. Reestr boıynsha barlyǵy 741 qyzmet túri kórsetiledi. 2018 jyly 1 377 536 memlekettik qyzmet túri kórsetilgen. Mobıldi HQO boıynsha 316 shaqyrtý jasalynyp, 6 063 qyzmet kórsetildi. Sonymen qatar oblystyń barlyq aýdandary men qalalarynda óz ózine qyzmet kórsetý sektorlary bar. Olar arqyly 2018 jyl ishinde jalpy somasy 61 mln. teńgeni quraıtyn tranzaktsııa jasalǵan. Sondaı-aq azamattarǵa ETsQ arqyly, bir rettik parol, EgovKzBot Telegram boty arqyly memlekettik qyzmet alý ońtaılandyrylyp, úshinshi jaq tarapynan anyqtama alý jeńildetildi dedi, Erbol Baıjigit.
Ásel Balmanovanyń málimetinshe, búgingi tańda jergilikti atqarýshy organdar 195 memlekettik qyzmet túrin usynyp otyr. Prezıdent Nursultan Nazarbaevtyń bıýrokratııalyq protsedýralady azaıtyp, jemqorlyqty joıý boıynsha tapsyrmasyn iske asyrý maqsatynda memlekettik qyzmet kórsetýdi 2019 jyly 80 paıyzǵa, 2020 jyly 90 paıyzǵa elektrondy formatqa kóshirý josparlanyp otyr. 2018 jyl qorytyndysyna sáıkes, jergilikti atqarýshy organdar tarapynan 147 qyzmet túri boıynsha 3 336 710 qyzmet kórsetilgen.
byltyr memlekettik organdar tarapynan qaǵaz formatynda kórsetilgen qyzmet túri azaıyp, memlkettik korporatsııa jáne elektrondy formattaǵy qyzmet kórsetý túri artqan. Máselen, 2017 jyly Memlekettik korporatsııa arqyly 55 qyzmet túri kórsetilse, 2018 jyly qyzmet túri 65 deıin artqan. 2017 jyly elektrondy formatta 40 qyzmet túri kórsetilse, 2018 jyly 54 qyzmet kórsetildi. Tsıfrlandyrý aıasynda jańa týǵan nárestelerdi tirkeýdiń pılottyq jobasy iske qosyldy. Nátıjesinde (M-gov) mobıldi qosymshasy arqyly 3811 ana tirkelip, 195-i týý týraly kýálik aldy, 1 032 bala bala baqshaǵa kezekke túrǵyzylyp, 620 ana júktiligine baılanysty jáne týýyna baılanysty járdemaqy aldy.
Jerasty sýy men paıdaly qazbalar qory týraly Mańǵystaý oblystyq geologııa jáne jerdi paıdalaný ınspektsııasy basshysy Almagýl Kelbet baıandap berdi.
Mańǵystaý oblysy boıynsha barlyǵy 251 barlaýshy jáne óndirýshi kompanııa qyzmet atqarady. Memleket balansynda 535 mln.tonna qordy quraıtyn 72 munaı orny bar. 44 gaz ken oryndarynda jalpy qory 200 mlrd. tekshe metrdi quraıdy.
Qazirgi tańda 65 jer asty sýy ken ornynda táýligine óndiriletin sýdyń kólemi 584,4 myń tekshe metrdi quraıdy. Al, 43 ken ornyndaǵy sýdyń jalpy qory táýligine 332,459 myń tekshe metrge jetip otyr.
