Mańǵystaýda bıyl búldirshinder 100% balabaqshamen qamtylady
AQTAÝ. QazAqparat - Bıyl Mańǵystaýdaǵy 3 pen 6 jas arasyndaǵy balalardyń balabaqshamen qamtý úlesi 100 paıyz bolmaq. Ol úshin óńirde 2862 oryndyq 30 balabaqsha iske qosylady.
Bul týraly Mańǵystaý oblystyq bilim basqarmasynyń basshysy Asqar Seıdalıev málimdedi, dep habarlaıdy QazAqparat tilshisi.
Osyǵan deıin óńirdi balabaqshamen qamtý úlesi 97,1% bolatyn. ıAǵnı, balabaqsha kezeginde Munaıly aýdany boıynsha 270 bala turdy.
Jyl saıyn halqy ósip kele jatqan Munaıly aýdanynda balabaqsha jetkilisiz. Sondyqtan bıyl aýdandaǵy Mańǵystaý aýylynda kólemi 638 sharshy metrdi quraıtyn 125 oryndyq «Aıjanaı» jekemenshik balabaqshasy ashylady. Nysannyń qurylysy 2018 jyldyń sáýir aıynda bastalyp, qazirgi tańda 35 adamdy jumyspen qamtyp otyr. 
«Byltyr Munaıly aýdanynda 3-6 jas aralyǵyndaǵy búldirshinderdi balabaqshamen qamtamasyz etý kórsetkishi 96,7% jetken bolatyn, ıaǵnı 270 bala kezekte turǵan. Al bıylǵy jyl sońyna deıin osy aýdanda 1352 oryndy quraıtyn 15 jekemenshik balabaqsha boı kóteredi dep josparlanýda. Nátıjesinde 3-6 jas aralyǵyndaǵy búldirshinderdi 100% tolyq balabaqshamen qamtamasyz etilmek»,-deıdi Asqar Seıdalıev.
