Mańǵystaýda bıyl 7 myńnan astam oqýshy 11-synypty bitiredi

AQTAÝ. QazAqparat – Mańǵystaýda bıyl 14 500-den astam bala 9-synypty, 7 439 oqýshy 11-synypty bitiredi, dep habarlaıdy QazAqparat tilshisi.

Mektep bitiretin 149 túlek «Altyn belgige», 450 túlek Úzdik attestatqa úmitker.

«9-synyp oqýshylaryna arnalǵan qorytyndy emtıhandar 2-13 maýsym aralyǵynda ótse, 11-synyp túlekterine arnalǵan qorytyndy attestattaý 5-19 maýsym aralyǵyna josparlanǵan. Al jalpy orta bilim týraly attestattar 11-synyp túlekterine 21-22 maýsymda mektepteriniń qabyrǵasynda tapsyrylatyn bolady», - dedi Mańǵystaý oblystyq bilim basqarmasynyń basshysy Dınara Jumasheva.

UBT tapsyrý 18 mamyr bastalyp, 4 shildege deıin jalǵasady. Bıyl emtıhan tapsyrýǵa 13 580 ótinish kelip túsken jáne óńirde úsh testileý ortalyǵy bar.