Mańǵystaýda bıyl 2 236 etnıkalyq qazaqqa qandas mártebesi berildi
Óńirde jumys kúshine qajettilik joq. Sondyqtan QR Úkimetiniń sheshimimen Mańǵystaý oblysyna vızalyq memleketterden etnıkalyq qazaqtardyń kóship kelýine shekteý qoıyldy.
Biraq 17 shildeden bastap Túrikmenstannan Mańǵystaýǵa 827 qandas kóship keldi. Sonyń ishindegi vızasynda kelý óńiri retinde Aqmola, Pavlodar, Abaı, Shyǵys Qazaqstan jáne Soltústik Qazaqstan oblystary kórsetilgen 724 adamnyń 307-si atalǵan aımaqqa qonys aýdardy. Al 106 adam jumys tobynyń sheshimimen Mańǵystaýda qaldy.
«Alaıda Túrikmenstannan kóship kelgen 311 qandas áli de Mańǵystaý oblysy aýmaǵynda júr. Dese de olar qazirgi kezde tirkele almaıdy. Tirkelý úishn Soltústik óńirlerge, ıaǵnı vızada kórsetilgen óńirlerge barýlary qajet. Jalpy, vızanyń merzimi bolady. Sol vızada kórsetilgen merzimde olar Qazaqstan aýmaǵynda tirkelmegen bolsa, elden shyǵarylady», - dedi Mańǵystaý oblystyq Jumyspen qamtýdy úılestirý jáne áleýmettik baǵdarlamalar basshysynyń orynbasary Dosan Jetkizgen.
Jalpy 1992 jyldan bastap Mańǵystaýǵa kórshiles elderden 140 myńǵa jýyq adam qonys aýdarǵan.
