Mańǵystaýda bıyl 196 turǵyn úı paıdalanýǵa beriledi
AQTAÝ. QazAqparat - Mańǵystaý oblysynda bıyl 196 turǵyn úı paıdalanýǵa berildi, dep habarlaıdy QazAqparat.
Oblystyq qurylys basqarmasynyń basshysy Aıdos Hamıevtiń aıtýynsha, byltyr Mańǵystaý oblysynda «Nurly jer» baǵdarlamasy boıynsha 256 úı salynyp, onyń 64-i turǵyndarǵa paıdalanýǵa tapsyrylǵan. Al, qalǵan 196 úı bıyl beriledi. Muny málimdedi.
Jalpy, óńirde 2017 jyly 833 myń sharshy metr turǵyn úı paıdalanýǵa berilgen. Bul ótken jylmen salystyrǵanda 17 paıyzǵa kóp. Al bıyl, «Nurly jer» baǵdarlamasy aıasynda 18 myń sharshy metr turǵyn úı salynady dep josparlanýda. Bul maqsatta 880 mıllıon teńge qarajat bólingen. Baspananyń basym bóligi Munaıly aýdanynda boı kótermek. Máselen, 24 páterli 8 úı Mańǵystaý aýylynan salynsa, 4 páterli 40 úı Batyr eldi mekeninde turǵyzylady. Al, 24 páterli 4 qabatty úı Qaraqııa aýdanynyń Quryq aýylynan boı kóteredi.
«Memlekettik baǵdarlama aıasynda turǵyzylatyn úılerdi alý úshin barlyq aýdan ákimdigi turǵyndardyń tizimin jasaqtaý qajet. Qazir Munaıly aýdanynda ótken jyldan qalǵan 152 páter bar. Bul endi nesıe arqyly beriledi. Al, Túpqaraǵan aýdanynda byltyrdan qalǵan birneshe úıdiń qujatyn «Nurly jer» baǵdarlamasyna saı jasaý kerek», - dedi Aıdos Hamıev.
Sondaı-aq, jıynda óńirdegi turǵyn úılerde kezdesetin olqylyqtar aıtyldy. Máselen, sapasynan bólek, ınfraqurylymǵa jiti nazar aýdarý kerek. Oblystyq energetıka jáne turǵyn úı basqarmasy basshysynyń aıtýynsha, bul kóp jaǵdaıda jylý júıesinde aqaý týdyrady.
«Jylý júıesi - óte kúrdeli qurylym. Naqtylyqty talap etedi. Keıde 5 qabatty úıdiń ornyna 6 qabatty úı salynady. Ol jerde turǵyndardyń jylý júıesin tutyný qabileti joǵarylaıdy. ıAǵnı, tutyný mólsheri 2 ese artady»,- deıdi Energetıka jáne turǵyn úı basqarmasynyń basshysy Sapar Amanbekov.
Aldaǵy ýaqytta aýdan men qalalarda salynatyn nysandardyń jobalyq smetalyq qujaty tek oblystyq sáýlet jáne qala qurylysy basqarmasynyń tekserýinen ótpek. Sebebi, ereje saqtalýy shart. Bolmasa qurylystaǵy olqylyq azaımaıdy.
