Mańǵystaýda bir otbasynyń 5 adamy gazdan ýlandy
TÚPQARAǴAN AÝDANY. QazAqparat – Túpqaraǵan aýdany Atash aýylynda bir otbasynyń 5 adamy gazǵa ýlanyp qaldy, dep habarlaıdy QazAqparat tilshisi.
Oqıǵa qańtardyń 13-nen 14-ne qaraǵan túni bolǵan.
MO Densaýlyq saqtaý basqarmasy baspasóz qyzmetiniń habarlaýynsha, «103» nómirine qońyraý saǵat 00: 47-de túsken.
«Zardap shekkenderdiń arasynda balalar da bar. Dárigerdiń kómegine 2007, 2008, 2012, 2017 jyly týǵan balalar jáne 58 jastaǵy áıel júgindi. Zardap shekkenderdiń barlyǵy aýdandyq aýrýhanaǵa jetkizildi. Keıin barlyǵy da úılerine jiberildi»,-dedi Túpqaraǵan aýdany ortalyq aýrýhanasynyń bas dárigeri Gúlshat Shalabaeva.
Keıin anyqtalǵandaı, ájesi ketip qalǵan kezde kishkentaı nemeresi oınap júrip, gazdyń tetigin ashyp tastaǵan.
