Mańǵystaýda bıiktigi 17 metrlik jasandy shyrsha órtendi
AQTAÝ. QazAqparat – Mańǵystaý oblysynda jasandy shyrsha órtendi, dep habarlaıdy QazAqparat Tótenshe jaǵdaılar komıtetine silteme jasap.
Búgin tańǵy 06:10-da Mańǵystaý oblysynyń Munaıly aýdany Mańǵystaý kentiniń ortalyq alańynda turǵan jańajyldyq jasandy shyrsha órtendi.
«Shyrshanyń bıiktigi – 17 metr. Órt sóndirýshilerdiń kúsh salýymen qyzyl jalyn tańǵy 06:25-te óshirildi. Eshkim zardap shekken joq. Aldyn ala sebep – elektr jelisiniń qysqa tuıyqtalýy» delingen habarlamada.
Tilsiz jaýdy aýyzdyqtaýǵa jeke quramnan 5 adam jáne bir tehnıka jumyldyryldy.
