Mańǵystaýda baýyrsaq pisirýden baıqaýda kárister jeńimpaz atandy
AQTAÝ. QazAqparat - 20 etnomádenı ókilderi arasynda «Dostyq dastarhany» atty baýyrsaq kórmesi ótti, dep habarlaıdy QazAqparat tilshisi.
Saıysqa qatysqan ár ult ókili, as atasyn birneshe túr-túrin daıyndap ákelgen. Biri dámimen erekshelense, biri pishinin ózgertken. Káris ulty baýyrsaqtyń 8 túrin kórmege qoıypty.
«Qazaqtyń ulttyq taǵamdarynyń biri baýyrsaq kórmesi ótip jatyr. As atasy nan demekshi, baýyrsaq pen qosa ulttyq taǵamnan da ázirlep ákeldik. Dastarhan ústinde nan tursa bizde bári jaqsy bolatyny sózssiz. Elimiz aman, jurtymyz tynysh bolǵaı»,-deıdi Káris EMB tóraıymy Raısa Madenova.
Baýyrsaqtan bólek, ózge etnomádenı ókilderi ulttyq taǵamdaryn da tanystyrdy.
Saıysqa túsken 20 etnomádenı ókilderiniń daıyndaǵan dámdi baýyrsaqtary baǵalanyp, 1-shi, 2-shi jáne 3-shi oryn alǵandar marapattaldy. Birinshi oryn Káris etnomádenı ókilderine buıyrsa, ekinshi oryndy, baýyrsaqpen túshparany dámdi daıyndaǵan Belarýs ultynyń ókilderi jeńip aldy. Úshinshi orynǵa Qaraqalpaq etnomádenı birlestiginiń dastarhany laıyq dep tanyldy.
