Mańǵystaýda balyqtardyń qyrylý sebebi anyqtaldy
AQTAÝ. QazAqparat - Aqtaýda ekologtar Qarajanbas ken ornyndaǵy balyqtardyń qyrylý sebebin atady. Alynǵan synamada kórsetilgendeı, munaı ónimderi men Mendeleev kestesindegi basqa da elementterdiń kórsetkishi shamadan asqan, dep habarlaıdy «QazAqparat» HAA tilshisi.
Bul týraly Mańǵystaý oblystyq ekologııa basqarmasy basshysynyń orynbasary Baýyrjan Ámirbekov habarlady.
«Osy jyldyń 19 maýsym kúni telefonǵa Qarajanbas ken ornyna jaqyn mańda, Aqtaý qalasynan 211-230 shaqyrym qashyqtyqta balyqtardyń qyrylýy týraly habarlama tústi. Olardyń qyrylý sebebin anyqtaý úshin Mańǵystaý oblystyq orman sharýashylyǵy jáne janýarlar álemi ınspektsııasy, Mańǵystaý oblystyq ekologııa departamenti, Tabıǵı resýrstar men tabıǵatty paıdalanýdy retteý basqarmasy jáne «Túpqaraǵan aýdandyq veterınarııa stantsııasy» MQK mamandary oqıǵa ornyna bardy. 1 synama alyp, 15 anyqtama jasady. Taldaý kórsetkendeı, onda munaı ónimderi, marganets, nıkel, tsınk jáne temir kórsetkisheri shamadan tys asqan», - dep naqtylady Ámirbekov baspasóz máslıhatynda.
Atalyp ótilgendeı, mamandar ár toqsan saıyn Kaspıı teńiziniń jaǵalaýynda ǵana (1,4,7 jáne 15 móltekaýdandardaǵy jaǵalaýda) monıtorıng júrgiziledi.
Aqtaý qalasyndaǵy atmosferalyq aýanyń monıtorıngine keler bolsaq, 2017 jyly 37 quraldyq ólsheý júrgizilip, 43 synama alyndy jáne 430 anyqtama jasaldy. Ólsheý nátıjesine sáıkes, kontsentratsııa normasynan asý boıynsha 3 fakti tirkelgen.
