Mańǵystaýda balyq ósirý kólemin 52 myń tonnaǵa deıin arttyrý kózdelip otyr

AQTAÝ.QazAqparat – Mańǵystaýda balyq ósirý kólemin oblysta arttyrý boıynsha 2030 jylǵa deıin 218 mlrd teńgege 8 jobany júzege asyrý josparlanyp otyr. Bul týraly Mańǵystaý oblysynyń Balyq sharýashylyǵy basqarmasynyń basshysy Arman Moldashev málim etti, dep habarlaıdy QazAqparat tilshisi.

Aldaǵy 8 jylda balyq ósirý kólemin 52 myń tonnaǵa deıin jetkizbek.

Óńirde 2022 jyly balyq sharýashylyǵynan bıýdjetke 47 mıllıon teńgeden astam túsim bolǵan. Basqarma basshysynyń aıtýynsha, bul salaǵa memlekettik qoldaý boıynsha bıyl 10,5 mln teńge bólinip, onyń 9,532 mln teńgesi ıgerilgen.

«Qazir memleket tarapynan bul salaǵa tıisti qoldaýlar artyp keledi. Tek jumysty rettep, jandandyrý kerek. Ol úshin naqty josparlar qoıylyp, júıeli jumys jasalýy kerek. Balyqshylarǵa qoldaý kórsetilip, olar da ózderine qatysty jaýapkershilik ala bilýleri qajet. Osy kásippen aınalysyp júrgenderge aıtarym - naqty usynystaryńyzdy rettep bizge berińizder, talqylaımyz, naqty jospar jasaıyq. Ashyqtyq bolsyn. Tetigin taýyp balyq ósirý men aýlaýdy zańdy kásip kózine aınaldyra bilýimiz kerek», - dedi Mańǵystaý oblysynyń ákimi Nurlan Noǵaev.