Mańǵystaýda azyq-túlik baǵasyn shekten tys kótergeni úshin 20 kásipker jaýapqa tartylǵan
AQTAÝ.QazAqparat – Mańǵystaýda áleýmettik mańyzy bar azyq-túlik taýarlarynyń ústemeaqysyn 15%-dan asyrǵany úshin 20 kásipkerlik sýbekti ıelerine ákimshilik hattama toltyrylǵan, dep habarlaıdy QazAqparat tilshisi.
Óńirde byltyr baǵany turaqtandyrý boıynsha birqatar shara qolǵa alynǵan.
«Aptasyna eki ret baǵa belgileý tizbeginiń deldaldyq shemalaryn tergep-tekserý jónindegi óńirlik komıssııanyń otyrysy ótkizildi. Áleýmettik mańyzy bar azyq-túlik taýarlarynyń ústemeaqysyn 15%-dan asyrǵany úshin 20 kásipkerlik sýbekti ıelerine ákimshilik hattama toltyryldy. Qazirgi tańda áleýmettik mańyzy bar taýarlardy belgilengen baǵamen satýǵa 10 kásipkerlik sýbektisine 8 túrli azyq-túliktiń 3816,2 tonnasyn óndirýge nemese jetkizýge kelisim-shart jasaldy, - dedi Mańǵystaý oblysynyń kásipkerlik jáne saýda basqarmasynyń basshysy Janna Toqbaeva.
Sondaı-aq «Aınalym mehanızmi» boıynsha 9 túrli azyq-túliktiń ónimin jetkizýge 738,4 mln teńgege tómen paıyzben qaryz berildi.
