Mańǵystaýda áıel jalǵan habarlama úshin 6 jylǵa sottalmaq
AQTAÝ. QazAqparat - Jarylys týraly jalǵan habarlama qaldyrǵan aqtóbelik 6 jylǵa sottalýy múmkin, dep habarlaıdy QazAqparat tilshisi.
Aqtóbelik 21 qyrkúıekte «Aqtobe-Mańǵyshylaq» poezymen kelgen. Ol Beıneýge qonaqqa bara jatqan. 1990 jyly týǵan áıel óziniń tanysyna ol otyrǵan basqa qaladaǵy ǵımaratta jarylǵysh zat qoıylǵan dep habarlaǵan. Sosyn óziniń uıaly telefony arqyly «102» nómerine jarylǵysh zat týraly habarlama joldaǵan. Kezekshi ınspektor habarlamany barlyq quqyq qorǵaý organdaryna bergen.
«Arnaıy mamandar jarylys týraly habarlama jibergen adamnyń turǵan jerin birden anyqtady. Ol kezde áıel poezǵa otyrmaqshy bolyp otyrǵan. Ol óziniń kinásin tolyq moıyndady», - dedi Mańǵystaý oblysy ishki ister departamentiniń baspasóz qyzmetiniń ókili Sholpan ıÝldasheva.
