Mańǵystaýda avtomotosporttan «Qazaqstan rallı» jarysy ótedi
ASTANA. QazAqparat - Mańǵystaýda avtomotosporttan «Qazaqstan rallı» jarysy ótedi. Bul týraly búgin QR Prezıdenti janyndaǵy OKQ-de «Africa Eco Race-2016» jarysyna qatysqan qazaqstandyq komanda ókilderimen ótken baspasóz máslıhatynda belgili boldy.
«Biz jaqsy nátıje kórsetip, rallıdiń jeńimpazy boldyq. Absolıýtti jiktelimde birinshi oryn aldyq. Jalpy, biz aǵymdaǵy jyly birqatar iri halyqaralyq jarys ótkizýdi josparlap otyrmyz. Álem kýbogy qarsańynda Mańǵystaýda jarys ótedi. Ol «Qazaqstan rallı» dep atalady», - dedi QR Avtomotosport federatsııasynyń prezıdenti Marat Ábiqaev.
Sonymen qatar M.Ábiqaev «Africa Eco Race» jarysyna qatysqan qazaqstandyq komandanyń barlyq músheleri osy jarysqa qatysatyndyǵyn atap ótti.
Óz kezeginde «Africa Eco Race» rallıinde absolıýtt jiktelimdi birinshi oryn alǵan Qanat Shaǵyrov bul jarystyń osy jyldyń 29 mamyry men 4 maýsymy aralyǵyna josparlanyp otyrǵanyn aıtty.
«Bul jarys álem kýbogy etaptarynyń birine kandıdat retinde uıymdastyrylady. Eger osy jyly ony durys uıymdastyryp, esh eskertýsiz ótkize alsaq, onda ol kelesi jyly álem kýbogy kútizbesine jarys kezeńderiniń retinde engizilýi múmkin», - dedi ol.
