Mańǵystaýda avtobýs júrgizýshisi kondýktoryn óltirip tastady
ASTANA. QazAqparat - Jańaózenniń tórt turǵyny 23 jastaǵy jigitti óltirgen, dep habarlaıdy QazAqparat «Moı GOROD» portalyna silteme jasap.
Jas jigittiń denesi kópqabatty turǵyn úılerdiń birinen tabyldy. Atalmysh fakti boıynsha qylmystyq is qozǵaldy. Polıtsııa qyzmetkerleri asa aýyr qylmys jasaǵan tórt kúdiktini qolǵa túsirdi.
Іs materıaldarynan belgili bolǵandaı, qaza tapqan jigit avtobýstardyń birinde kondýktor bolyp jumys istegen. Ol jumys kúni aıaqtalǵan soń barlyq aqshany alyp, joq bolyp ketken. Birneshe kún ótken soń, ony avtobýs júrgizýshisi taýyp alady. Ol óziniń sybaılastarymen jigitti jaldamaly páterge alyp baryp, sol jerde ózderiniń aram oılaryn iske asyrady.
«Jedel izdestirý sharalary nátıjesinde tórt kúdikti ustaldy. Olar asa aýyr qylmys jasaǵandaryn moıyndap otyr. Sol kúni barlyǵy alkogoldik ishimdik ishken. Іshimdiktiń bosaǵan bótelkelerimen jas jigittiń basynan urǵan. Jigit alǵan jaraqattary saldarynan qaza tapqan. Onyń denesin sol úıdiń jertólesine tastap ketipti. Eki kún ótkennen keıin jigittiń denesin polıtseıler taýyp aldy», - dedi Jańaózen polıtsııa qyzmeti.
Atalmysh fakti boıynsha QR Qylmystyq kodeksiniń 99-baby 2-bóliminiń 5,3,7 jáne 9-tarmaqtary («Adam óltirý») boıynsha sotqa deıingi tergeý jumystary bastaldy.
Polıtseılerdiń aıtýlarynsha, eger kúdiktilerdiń kinási dáleldense, olar 20 jylǵa deıin bas bostandyǵynan aıyrylýy múmkin.
