Mańǵystaýda avtobýs joldan ushyp ketti
AQTAÝ. QazAqparat - Mańǵystaýda vahtalyq ádispen jumys isteıtin jolaýshylardy ákele jatqan avtobýs joldan ushyp ketti. Eshkim zardap shekken joq, dep habarlaıdy «QazAqparat» HAA tilshisi oblystyq jolaýshylar kóligi jáne avtomobıl joldary basqarmasy basshysynyń mindetin atqarýshy Dáýren Tabjanovqa silteme jasap.
Aqtaý-Qalamqas baǵytyndaǵy jolda bolǵan oqıǵany kýágerler vıdeoǵa túsirip alǵan.
Eske sala keteıik, jańbyrdan keıin kún kúrt sýytyp jolda bir jarym santımetrlik muz qabaty paıda bolǵan. Kóktaıǵaqtyń saldarynan avtobýs joldan shyǵyp ketken. Eshkim zardap shekken joq, deıdi D. Tabjanov.
Osyǵan baılanysty arnaıy tehnıka jiberilip, jolǵa qum men tuz sebilgen. Tas jol resmı túrde jabylǵan joq.
D. Tabjanov sonmen atalǵan oqıǵanyń júrgizýshiler óz kólikterin qysqa qajetti deńgeıde saılamaǵandyqtan bolǵanyn da jetkizdi.
