Mańǵystaýda avtobýs pen kólik soqtyǵysyp, eki adam mert boldy
ShETPE. QazAqparat – Mańǵystaý oblysynyń «Shetpe – Taýshyq» tasjolynda avtobýs pen jeńil kólik soqtyǵysyp, eki adam qaza tapty, dep habarlaıdy QazAqparat Lada.kz resýrsyna silteme jasap.
Jol-kólik oqıǵasy 18 qańtar kúni Aqtaý qalasynan 100 shaqyrym qashyqtyqta bolǵan. Hyundai markaly avtobýs pen Hyundai Starex kóligi soqtyǵysqan.
Mańǵystaý oblystyq densaýlyq saqtaý basqarmasy baspasóz qyzmetiniń málimetinshe, oqıǵa ornyna 4 jedel járdem kóligi jáne bir sanıtarlyq avıatsııa brıgadasy barǵan.
Jol apatynan 6 adam zardap shekti. Barlyǵy Mańǵystaý oblystyq aýrýhanasyna jetkizildi.
Oblystyq polıtsııa departamenti baspasóz qyzmetiniń habarlaýynsha, jaraqat alǵandardyń ekeýi kóz jumǵan.
Jol apaty boıynsha sotqa deıingi tergeý jumystary júrip jatyr.
