Mańǵystaýda aýyl turǵyny qaıtarymsyz grant alyp nan ónimderin daıyndap otyr
Munaıshy aýylynyń turǵyny Nurjamal Serikqyzy «Eńbek» memlekettik baǵdarlamasy arqyly 583 400 teńge qaıtarymsyz grantqa ıe boldy. Bólingen qarajatqa nan ónimderin daıyndaýǵa arnalǵan qural-jabdyqtardy satyp alyp, kásibin bastap ketti.
Nurjamal Serikqyzy 2020 jyly «Bastaý-bıznes» jobasy aıasynda kásipkerlik negizderi oqý kýrsynan ótip, sertıfıkat alǵan.
«Nan ónimderin, onyń ishinde tort, samsa, bólke, pırog, tátti bálish, nan daıyndap, tapsyrys alyp bastaǵanyma 2 jyldaı boldy. Osy kúnge deıin úıdegi qarapaıym peshke pisirip, ónim daıarlaýǵa kóp ýaqyt jumsap júrdim. Máselen, qarapaıym peshpen bir tort daıyndaýǵa 3 saǵat ketetin bolsa, konventsııalyq «Smeg» peshimen 1 saǵatta daıarlaımyn. Grant esebinde berilgen qarajatqa birneshe qural-jabdyqtar satyp aldym. Búginde úıde tapsyrystarymdy qabyldap, nan ónimderin ýaqytyly jetizip otyramyn», - dedi Nurjamal Serikqyzy.
Ol aldaǵy ýaqytta kásibin odan ári dóńgeletip, kondıterlik dúken ashýdy josparlap otyr.