Mańǵystaýda aýyl balabaqshasynda jylyjaı salynyp, búldirshinder alǵashqy ónim aldy

AQTAÝ. QazAqparat - Túpqaraǵan aýdanyna qarasty Aqshuqyr aýylynda «Aqbóbek» balabaqshasynyń búldirshinderi bóbekjaıdaǵy jylyjaıda óz qolymen otyrǵyzǵan jemisterdiń alǵashqy ónimin ala bastady, dep habarlaıdy QazAqparat tilshisi.

«Balalardyń as máziri úshin jemisterdi syrttan keletin ónimderden almaı Aqshuqyr aýylyndaǵy jylyjaıdan satyp alatynbyz. Osy ýaqytqa deıin jergilikti jylyjaı ónimderin balalar úshin qoldanyp keldik. Keıin ózimiz qolǵa alyp kóreıik degen oı keldi. Balabaqsha janyndaǵy 48 sharshy metrdi quraıtyn bos jerdi osy maqsatta daıyndap bastadyq. Byltyr karantınge baılanysty jumysymyz toqtaǵanymen, bıyl sáýir aıynda bastalǵan isti aıaqtap, mine alǵash ónimderin ala bastadyq. Balabaqsha búldirshinderi ózderiniń alǵashqy ónimderin alyp, dám tatýda», - dedi balabaqsha basshysy Gúljıhan Nurdáýletova.

Aıta keteıik, búginde jylyjaıdaǵy ónimder qudyqtyń jerasty tuşy sýymen sýarylady.

Onda 120 túp qııar men 37 túp qyzanaq otyrǵyzylǵan.