Mańǵystaýda aýyl ákimi para alǵany úshin sottaldy
ASTANA. QazAqparat - Aýyldyq okrýg ákiminiń mindetin atqarýshy Saıyn Shapaǵatov 20 myń teńge kóleminde para talap etkeni úshin bir jarym jylǵa sottaldy.
Bul týraly Túpqaraǵan aýdandyq sotynyń baspasóz qyzmeti habarlady, dep jazdy lada.kz.
Sottalýshynyń Mańǵystaý turǵynynan jer ýchaskesin berýge ákim sheshiminiń telnusqasyn bergeni úshin 20 myń teńge para talap etkeni anyqtaldy.
«Azamat R. sheneýnikke qatysty sharalar qoldaný úshin Mańǵystaý oblysynyń sybaılas jemqorlyqqa qarsy qyzmetine kómekke júgindi», - delingen aýdandyq sot habarlamasynda.
Sottalýshy QR QK 366-baby 1-bóligi boıynsha aıypty dep tanyldy. Onyń múlki tárkilenip jáne memlekettik organdar men mekemelerde ómir boıyna jumys isteý quqyǵynan aıyra otyryp, oǵan bir jarym jylǵa bas bostandyǵynan aıyrý úkimi shyǵaryldy.
Sot úkimi zańdy kúshine engen joq.
