Mańǵystaýda aýladaǵy qudyqqa túsip ketken eki bala mert boldy
MUNAILY. QazAqparat - Mańǵystaý oblysy Munaıly aýdanyndaǵy Batyr aýyldyq okrýginde jeke turǵyn úı aýlasyndaǵy qudyqqa eki bala qulap ketti, dep habarlaıdy QazAqparat tilshisi.
Mańǵystaý oblysy TJD baspasóz qyzmetiniń habarlaýynsha, 6 jáne 11 jasar eki jetkinshek - bir úıde turatyn aǵaıyndylardyń balalary.
Qaıǵyly jaǵdaı búgin 15:30 shamasynda bolǵan.
«Aýyz sý qudyǵynyń tereńdigi - 2 metr, 1,8 metr tereńdikte sýy bar eken. Quqyq qorǵaý organdarynyń qyzmetkerleri bolǵan jaǵdaıdyń jaı-japsaryn anyqtap jatyr» delingen habarlamada.
