Mańǵystaýda Astananyń mádenı kúnderi ótip jatyr
Astana qalasynyń Mádenıet jáne sport basqarmasynyń baspasóz qyzmetiniń habarlaýynsha, elordanyń 20 jyldyǵyna oraılastyrylǵan biregeı joba Astananyń mádenı kúnderi Mańǵystaý oblysyna jetti. 26-28 mamyrda elordalyq artıster Aqtaý qalasynyń alańdarynda keremet kontsertter uıymdastyryp, ózderiniń úzdik teatrlandyrylǵan qoıylymdaryn qoıady, sondaı- kelýshiler nazaryna otandyq sýretshilerdiń eńbekteri de usynylady.
Úsh kún boıy Aqtaýda saǵat tańǵy 10.00-den keshki saǵat 20.00-ge deıin Jantórın atyndaǵy Mańǵystaý oblystyq mýzykalyq drama teatrynda «Aq tilekpen, Astana!» kórmesi jumys isteıdi. Eske salaıyq, ekspozıtsııaǵa 50 qazaqstandyq sýretshiniń 100-ge tarta eńbegi shyǵarylady.
Sonymen qatar, «Jastar» teatrynyń artısteri aqtaýlyqtardy úzdik qoıylymdardy tamashalaýǵa shaqyrady. Birinshi kúni kórermender nazaryna «Qyz Jibek» mıýzıkli usynylady. Qoıylymnyń qoıýshy-rejısseri -Qazaqstannyń eńbek sińirgen qaıratkeri Nurqanat Jaqypbaı. Jaǵalbaıly rýynan shyqqan Tólegen men Shektiniń qyzy Jibek týraly ári lırıkalyq, ári qaıǵyly hıkaıany bilmeıtin jan joq shyǵar. Baqtalastyq, qyzǵanysh, Jibektiń júreginen oryn alý úshin kúres, jazmysh - eń tanymal qazaq folklorynyń klassıkalyq sıýjeti atalmysh mıýzıkldiń negizine alynǵan. Qoıylymdy qoıýshylar Evgenıı Brýsılovskııdiń mýzykasyn paıdalanady. Oǵan jańasha reń beredi. Budan ne shyqqanyn Aqtaý turǵyndary 26 mamyrda, erteń saǵat 19.00-de kórip, óz baǵasyn bere alady.
Kelesi kúni qoıýshy-rejısser QR eńbek sińirgen qaıratkeri Nurqanat Jaqypbaıdyń «Janarymdaǵy jalǵyz áýen» («Zrımaıa pesnıa») qoıylymy sahnalanady. Mýzyka tili - baýrap alarlyq, shynaıy ári jumbaq. Akterler kórermenmen osylaısha tildespek.
Sońǵy gastroldik keshte, 28 mamyrda, Aqtaý qalasynyń turǵyndary «Asaýǵa tusaý» («Ýkroşenıe stroptıvoı») komedııasyn tamashalaıdy. Elordalyq teatrdyń qoıylymy Ýılıam Shekspırdiń máńgi ólmes shyǵarmasyna negizdelgen. Apaly-sińli - Bıanka men Katarına. Birinshisi názik qarapaıym bolsa, ekinshisi qyńyr. Ekeýi de troptıvaıa Katarına - kisi qyzyǵarlyq qalyńdyqtar. Alaıda, Bıankanyń jigiti kóp bolsa, Katarınaǵa olar jolaı almaıdy. Tek Petrýchıo ǵana... QR eńbek sińirgen qaıratkeri Nurqanat Jaqypbaı, QR eńbek sińirgen qaıratkeri Bekbolat Qurmanǵojaev, Tuńǵysh Prezıdent qory - Elbasy syılyǵynyń laýreaty Dáýren Serǵazın kúlkige toly komedııany kópshilikke usynady.
Aqtaýda qoıylatyn mádenı baǵdarlama aıasynda kontsertter de ótedi. 27 mamyrda saǵat 17.00-de Abaı Qunanbaev atyndaǵy Mádenıet saraıynda «Astanadan aq tilek» gala-kontserti ótedi. Aqtaýlyqtar Astana qalasy ákimdiginiń Memlekettik akademııalyq fılarmonııasy ujymdarynyń shyǵarmashylyǵymen tanysady. Atap aıtqanda, QR eńbek sińirgen qaıratkeri Aıtqalı Jaıymov jetekshilik etetin Qazaq orkestri, estradalyq bıǵ «Shalqyma» halyq bıi ansamblderi,estradalyq, klassıkalyq jáne halyq vokaly solıstteri óz ónerlerin ortaǵa salady. Sonymen qatar, Klara Tólenbaeva, «Art-Dombyra» trıosy, Rınat Maltsagov, Kúláıym Qaıyrbaeva, Aıgúl Qosanova, Almas Kishkenbaev, Tamara Asar syndy qazaq estradasynyń tanymal artısteri Astanadan jalyndy mýzykalyq sálem jetkizedi.
Bul sharalarǵa qatysa almaǵan jurtshylyq sol kúni keshki saǵat 20.30-da jaǵalaýda ótetin «Astanadan aq tilek» atty Open Air kontsertte súıikti oryndaýshylarynyń ónerin tamashalaı alady. Mýzykalyq kesh júrgizýshileri - Azamat pen Anton.
Astananyń Aqtaýdaǵy mádenı kúnderi 28 mamyrda saǵat 19.00-de Abaı Qunanbaev atyndaǵy Mádenıet saraıynda «Elordadan elge sálem!» kontsertimen aıaqtalady. Aqtaý turǵyndary Qazaq orkestriniń mýzykanttarynyń, «Shalqyma» halyq bıi ansambliniń, estradalyq, halyq jáne klassıkalyq vokal solıstteriniń ónerin taǵy da bir tamashalaıtyn bolady.
