Mańǵystaýda áskerı qyzmetshi óz-ózine qol jumsady

ASTANA. QazAqparat - Aqtaý qalasyndaǵy áskerı bólimderdiń birinde áskerı qyzmetshi ózine qol jumsady, dep habarlaıdy QazAqparat QR Qorǵanys mınıstrligine silteme jasap.

«Mańǵystaý oblysynyń Aqtaý qalasyndaǵy áskerı bólimderdiń birinde kelisimshart boıynsha jumys istep júrgen áskerı qyzmetshi 2-satyly starshına N.Q. Ernazarov óz-ózine qol jumsady. Qylmystyq is qozǵaldy. Oqıǵa ornynda QR ІІM áskerı-tergeý basqarmasy, áskerı prokýratýra jáne áskerı polıtsııa qyzmetkerlerinen quralǵan jedel-tergeý toby jumys istep jatyr. Ózine qol salýdyń mán-jaıy anyqtalýda», - delingen QR Qorǵanys mınıstrliginiń habarlamasynda.  

Aldyn ala derekter boıynsha, óz-ózine qol jumsaý sebepteri áskerı qyzmetpen baılanysty emes. Qosymsha aqparat tergep-tekserý sharalary aıaqtalǵan soń habarlanady.