Mańǵystaýda asharshylyq jyldaryn sýretteıtin tarıhı fılm túsirilip jatyr

AQTAÝ. QazAqparat - Mańǵystaý oblysynyń Ushtaǵan aýylynda jazýshy Smaǵul Elýbaıdyń «Aq boz úı» romany boıynsha fılm túsirilip jatyr, dep habarlaıdy QazAqparat tilshisi.

Túsirilim jumystary 25 mamyrda bastalǵan, 20 maýsymǵa deıin jalǵasady. Kınokartına úshin Almatydan arnaıy ártister shaqyryldy.

Basty rólderdiń birin Qazaqstannyń eńbek sińirgen qaıratkeri Qaırat Kemal somdaıdy.

Fılmniń rejısseri — «Aq boz úı» romany avtorynyń uly Bekarys Elýbaı.

«Aq boz úı» - ótken ǵasyrdyń 30 jyldaryndaǵy qazaq dalasyndaǵy ujymdastyrýdyń artynan ilese kelgen asharshylyq jyldaryn sýretteıtin ádebı shyǵarma. Kıno tiline túsirilgen týyndy el basyna túsken náýbetti bir áýlettiń tarıhy arqyly baıandaıdy. Túsirilim jumystaryn Ushtaǵan aýylynan bastap kettik. Aýyl turǵyndary úlken yqylaspen túsirilim tobyna qatysyp, óz kómekterin kórsetip jatyr»,-dedi rejısser Bekarys Elýbaı.

Ótken ǵasyrdaǵy qazaq tarıhynyń qaraly betteri jaıly fılm 2022 jyldyń naýryz aıynda kórermenge jol tartpaq.