Mańǵystaýda «Asar» qaıyrymdylyq aktsııasy bastaldy

ASTANA. QazAqparat - Ákim Eraly Toǵjanov mańǵystaýlyqtarǵa  «Asar» qaıyrymdylyq aktsııasyn ótkizýge úndeý tastady, dep habarlaıdy óńir basshysynyń baspasóz qyzmeti.

Aktsııanyń maqsaty - halyqtyń áleýmettik osal toptary: az qamtylǵan otbasylarǵa, múgedek balalary bar januıalarǵa, múmkindigi shekteýli jandarǵa jáne UOS ardagerlerine kómek kórsetý, olardyń turmystyq-áleýmettik qajettiligin óteý.

Aımaq basshysy Eraly Toǵjanov qala men aýdan ákimderine, basqarma basshylaryna, «Atameken» QR Kásipkerleriniń Ulttyq palatasy men aımaqtaǵy iri kompanııa ókilderine, kásipkerlerge osy aktsııaǵa atsalysýǵa shaqyrdy. Sonymen birge Mańǵystaý turǵyndaryna da Jańa jyl aldynda jappaı kómek kórsetip, izgilikti is jasaý týraly usynys tastaldy.

«Asar - bul erteden kele jatqan ádet-ǵuryptyń bir túri. Qol kúshin kerek etetin, kópshiliktiń qatysýymen oryndalatyn jumys.  Qazaq aýylynda bir otbasynyń qolynan kelmeıtin kúrdeli, kólemdi jumystardy atqarý úshin birneshe aýyldyń adamdary asarǵa shaqyrylǵan. Asarǵa shaqyrylǵandar eńbegi úshin tólemaqy talap etpeıdi. «Asar» halqymyzdyń birligin, kómek qolyn berýge, jaqyn dos adamdarǵa qamqorlyq jasaıtynyn kórsetedi.  Sondyqtan barlyq mańǵystaýlyqtardy qaıyrymdylyq aktsııasyna qatysýǵa atsalysyp, kómek kórsetýge shaqyramyn»,-dedi oblys ákimi Eraly Toǵjanov.

Áleýmettik az qamtylǵan otbasylarǵa qamqorlyq jasaý ár túrli baǵytta kórsetilmek: azyq-túlik, kıim-keshek, dári-dármek jáne basqa da qajettilikterin alyp berý.