Mańǵystaýda arnaıy aktsııa barysynda 500-ge jýyq jol erejesin buzý oqıǵasy tirkeldi
ASTANA. QazAqparat - Mańǵystaýda «Qaýipsiz jol» jedel-saýyqtyrý sharasynyń barysynda 500-ge jýyq jolda júrý erejesin buzý jaǵdaılary anyqtaldy. Olardyń arasynda jyldamdyqty asyrý, qarsy jolaqqa shyǵyp ketý sııaqty áreketter bar. Bul týraly tumba.kz saıty habarlaıdy.
Іshki ister departamentiniń jergilikti polıtsııa qyzmetiniń málimetinshe, operatsııa jol-kólik oqıǵalarynyń aldyn alý maqsatynda uıymdastyrylǵan jáne oǵan ishki ister organdarynyń 350 qyzmetkeri jumyldyrylǵan.
«Bir kún ishinde 500 ákimshilik quqyqbuzýshylyqtar tirkeldi. Olardyń arasynda jalǵan memlekettik tirkeýden ótken nómirlerdi taǵyp júrý, dańǵyldardan ótý kezinde ereje buzý sııaqty áreketter bar»,-dep habarlady quzyrly organ ókilderi.
Olar taratqan málimetterge qaraǵanda, júrgizýshiler ádettegideı, qaýipsizdik beldigin taqpaı júrýdi ádetke aınaldyrǵan, mundaı jaǵdaıdyń 125 faktisi tirkeldi. Kólik júrgizip kele jatyp uıaly telefonmen sóılesýdiń 100 faktisi belgili boldy. Qarsy jolaqqa shyǵyp ketken 5 júrgizýshi ustaldy.
