Mańǵystaýda arqar úsh esege kóbeıgen
ASTANA. QazAqparat - Mańǵystaýda Qazaqstannyń «Qyzyl kitabyna» engen arqarlar úsh esege kóbeıgen. Bul týraly «Qyzylsaı memlekettik óńirlik tabıǵı parki» dırektorynyń orynbasary Turmys Aıtjanov 7292info.kz portalyna bergen suhbatynda málim etti.
Jýyrda Almaty qalasynan kelgen «Zoologııa ınstıtýtynyń» ǵylymı qyzmetkerleri júrgizgen sanaq nátıjesinde Mańǵystaýda myńnan astam arqar, úsh júzden astam qaraquıryqtyń bar ekeni anyqtaldy.
«Bul - arqar sanynyń ótken jyldarmen salystyrǵanda eki-úsh esege deıin óskendigi», - dedi mekeme dırektorynyń orynbasary.
Qyzylsaı memlekettik óńirlik parki tabıǵat keshenderin saqtaý, tuqymy azaıyp bara jatqan ań-qustardyń sanyn kóbeıtý maqsatynda 2012 jyly qurylǵan. Park quramynda Qyzylsaı, Jabaıushqan qoryǵy, Adamtas, Eset, Kóleńkeli, Manashy sekildi jeti qoryq bar.
