Mańǵystaýda «Amal» meıramy toılanyp jatyr
ASTANA. 14 naýryz. QazAqparat. 13-14 naýryz aralyǵynda Mańǵystaý oblysy «Otpan taý» tarıhı-mádenı kesheniniń aýmaǵynda Amal meıramyn merekeleýge arnalǵan is-sharalar uıymdastyryldy,
dep habarlady Mańǵystaý oblysy ákiminiń baspasóz qyzmetinen.
Aıta keteıik, Mańǵystaý turǵyndary ejelden Naýryz aıynyń bastalýyn erekshe atap ótip, ony «Amal-meıramy» retinde merekeleýdi dástúrge aınaldyrǵan. «Amal-meıramynyń» dástúrli nyshany «kórisý» bolyp esepteledi, ıaǵnı kishiler úlkenderge izet tanytyp, qol alysqan, jańa jyl jaǵymdy jańalyqtarmen aıshyqtalsyn degen nıetpen aqsaqaldardan bata alǵan.
Kelip túsken aqparatqa sáıkes, 13 naýryz kúni Qarataýdyń eń bıik shyńy sanalatyn Otpan taýda 6 aqshańqan kıiz úı tigilip, dástúrli salt boıynsha «taǵzym oty» jaǵyldy.
14 naýryz kúni Otpan taý shyńynda Ánuran shyrqalyp, Qazaqstan Respýblıkasynyń kók baıraǵy kóterildi, «Amal meıramy» saltanatty túrde toılana bastady.
Merekelik shara barysynda barlyq qatysýshylar «Jasyl el» baǵdarlamasy aıasynda aǵash otyrǵyzý isine atsalysyp, tabıǵatty qorǵaýǵa óz úlesterin qosty.
Merekelik jıynǵa oblys ákimi Qyrymbek Kósherbaev, halyq jazýshysy Ábish Kelkilbaev qatysty, delingen aqparatta.
