Mańǵystaýda 840 adam ekpeden bas tartqan

AQTAÝ. QazAqparat - Bıyl 840 adam profılaktıkalyq ekpeden bas tartyp otyr. Al, byltyr 795 bolǵan. Bul týraly Mańǵystaý oblysynyń taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Erǵalı Sydymanov aıtty, dep habarlaıdy QazAqparat tilshisi.

Ekpe almaǵandardyń ishinde Aqtaý qalasy men Munaıly aýdanynyń turǵyndary basym bolyp otyr.

«Bul baǵytta jumystardy kúsheıtý, ıaǵnı aqparattyq-túsindirý jumystaryn jandandyrý kerek»,-deıdi Erǵalı Sydymanov.

Jalpy, bıyl óńirde 130 myń turǵyn ekpe alǵan.