Mańǵystaýda 80 jastaǵy qart ańshy áli kúnge deıin qasqyr aýlaıdy

AQTAÝ. QazAqparat – Mańǵystaýlyq 80 jastaǵy qarııa áli kúnge ańǵa shyǵady, dep habarlaıdy QazAqparat tilshisi.

Jarma eldimekeninde seksenniń seńgirine kelgen aqsaqal Allaberdi Aqshabaev turady. Shıraq qımyldap, ańshylyqty kásip etken qarııa áli kúnge deıin ań aýlap, qaqpan qurady. Ol jastaıynan ańshylyqpen aınalysqan ákesiniń janynan bir eli qalmaı, kókjal alý ádisin meńgergen.

«Ol kezde aýyl turǵyndarynyń azyǵy - dalanyń ańy. «Mergennen-syralǵy, batyrdan-saýǵa« demekshi, kezinde ańshy alǵan ańnyń etin búkil aýyl bolyp bólip jegen. Ákemniń janynda júrip úırengen men búginde eldi mekenniń taý-tasy, qumyna basylǵan izdi tanımyn. Alǵash ret ańǵa 20 jasymda shyqtym», - dedi Allaberdi Aqshabaev.

Mańǵystaý nemese ózge óńir bolsyn, malǵa qasqyr shapsa, Allaberdi arnaıy aqsaqaldy izdep keledi eken. Qolynda 20-dan astam qaqpany bar Allaberdi aqsaqaldyń qaqpan qurýǵa kelgende qoly epti.

Qajyrly qarııa «ańǵa shyqsam, tula boıym keńip sala beredi, qaqpan qurmasam da keń dalany bir sharlap kelsem bolǵany», deıdi.