Mańǵystaýda 80 myńnan astam adam tumaýǵa qarsy vaktsına aldy
«Búgingi tańda oblysta 90 myń adam «Grıppol plıýs» vaktsınasyn alýǵa josparlandy. Halyqtyń 11%-in quraıdy. Qazirgi tańda 83 308 (92,5%) adam ekpemen qamtyldy. Egilgender arasynda 14 jasqa deıingi balalar, medıtsına qyzmetkerleri, júkti áıelder, qarttar úıindegi kisiler, sozylmaly aýrýlary bar adamdar jáne 15 jastan joǵary mektep oqýshylary bar. Tumaýǵa qarsy ekpe tegin júrgiziledi», - dedi Mańǵystaý oblystyq densaýlyq saqtaý basqarmasy basshysynyń orynbasary Bıbizada Dúısenbaeva.
2022-2023 jyldardaǵy epıdemııalyq maýsymǵa jergilikti bıýdjetten bólingen qarjyǵa 90 myń doza «Grıppol plıýs» vaktsınasy satyp alynǵan.
Bas memlekettik sanıtarııalyq dárigerdiń 2022 jylǵy 19 qyrkúıektegi №30 qaýlysyna sáıkes, medıtsınalyq uıymdarda aǵymdaǵy jyldyń 3 qazanynan bastap tumaýǵa qarsy josparly vaktsınatsııa jumystary júrgizilip jatyr.
Aıta keteıik, bıylǵy epıdemııalyq maýsymda jedel respıratorly vırýsty ınfektsııanyń búgingi kúnge deıin 2408 jaǵdaıy tirkelgen. Aýyrǵandardyń ishinde 14 jasqa deıingi balalar sany - 1600.
