Mańǵystaýda 8 naýryzda qyz-kelinshekter qoǵamdyq kóliktermen tegin qatynaıdy

AQTAÝ.QazAqparat - Mańǵystaýda Halyqaralyq áıelder kúnine oraı qala ishi men aýyldar arasyndaǵy avtobýstarda áıelder men qyzdar tegin júredi, dep habarlaıdy QazAqparat tilshisi.

Atap aıtqanda, №103, 104, 105, 106, 107, Aqtaý-Batyr, Aqtaý-Qyzyl-Tóbe-2, Aqtaý-Aqshuqyr, Aqtaý-Saıyn Shapaǵatov baǵytyndaǵy kólikterde burymdylar úshin jol júrý tegin bolady.

«8 naýryz - halyqaralyq áıelder kúni merekesine oraı qyz-kelinshekterge osyndaı syı jasap otyrmyz. Barlyq analarymyzdy, ápkelerimizdi qaryndastarymyzdy kele jatqan merekemen quttyqtaımyn», - deıdi oblystyq jolaýshylar kóligi jáne avtomobıl joldary basqarmasynyń basshysy Adaıbek Qalıev.

Aıta ketsek, buǵan deıin Aqtaý qalasynda da qoǵamdyq kólikterdiń tegin júretinin jazǵan edik.

Qoǵamdyq kólik óziniń turaqty kestesi boıynsha saǵat 6:40-tan 21:00-ge deıin júredi.