Mańǵystaýda 8 myńnan astam sheteldik zań buzǵan
AQTAÝ. QazAqparat - Mańǵystaý oblysyna shetelden kelgen 8 myńnan astam azamat zań buzyp, ákimshilik jaýapkershilikke tartylǵan. 1 myńnan astamy elderine qaıtaryldy, dep habarlaıdy QazAqparat.
Bul týraly Mańǵystaý oblystyq Polıtsııa departamentiniń bastyǵy Qanat Taımerdenov esep berý jıynynda málim etti.
«Shetelden kelgender byltyrǵymen salystyrǵanda 10,3% artqan. Máselen, 182 myń 742 azamat TMD elinen kelgen»,-dedi Qanat Taımerdenov.
Jalpy, óńirde 186 myńnan astam sheteldik ýaqytsha tirkeýge turǵan. Onyń ishinde 98% kórshi memleketterden kelgen bolsa, qalǵany ózge elderden jetken. Osy ýaqytqa deıin sheteldikterdiń 76 myńy zańdastyrylyp, qazynaǵa 885 mln. teńge qarajat túsken.
Oblys ákimi bul azamattardyń basym bóligi jaldamaly jumysshylar ekendigin jáne ýaqytsha tirkeýde turamaǵandyǵyn synǵa aldy. Sondyqtan osy máselege jiti nazar aýdaryp, árqaısysyn zańdastyrýdy tapsyrdy.
«Jaldanyp jumys isteý úshin 157 myń adam keldi, tirkeýden ótpegender bar. Qurylys salasynda eńbek etip júr basym kópshiligi. Árqaısysyn zańdastyrýdy qadaǵalaý kerek. Tirkemegeni jumys berýshige de tıimdi emes pe?! Qansha tabatynyn eshkim bilmeıdi. Salyq tólemeıdi me?! Tıisti organdarmen birigip, osy máseleni qolǵa alyńyzdar»,-dedi Eraly Toǵjanov.
