Mańǵystaýda 600 azamat áskerden qashyp júr
Áskerge shaqyrý alǵanymen, olar jergilikti áskerı basqarý organdaryna múldem kelmegen. Іzdeý jarııalanǵan azamattardy tabý úshin oblystyq qorǵanys departamenti ókilderi men men polıtsııa birlesken shara ótkizýde. Reıd barysynda olardyń turǵylyqty mekenjaıy men jumys oryndary tekserilip jatyr.
Jalpy, qazir elimizde kúzgi áskerge shaqyrý naýqany júrip jatyr. Qyrkúıekten beri Mańǵystaý oblysynan áskerge 700 bozbala shaqyrylsa, sonyń 400-i elimizdiń Qarýly kúshteri qataryna jóneltilgen. Ata zańymyzǵa sáıkes, áskerge shaqyrtylǵan 18 ben 27 jas aralyǵyndaǵy kez kelgen azamat Otan aldyndaǵy boryshyn óteýge mindetti. «Zańdy oryndamaǵan jaǵdaıda aldymen ákimshilik, odan keıin qylmystyq jazaǵa tartylady», - deıdi sala mamandary.
«Qazirgi tańda mekenjaıy boıynsha shaqyrý qaǵazdaryn aparamyz. Kóbi esikterin ashpaıdy. Áke-shesheleri bizge balasy jóninde naqty aqparat bermeıdi. Bir-eki ret eskertemiz. Zań boıynsha azamattardyń tizimin ishki ister bólimine beremiz», - deıdi oblystyq qorǵanys isteri jónindegi departamenti basshysynyń orynbasary Shynbolat Aqmuratov.
