Mańǵystaýda 6 myńnan asa jer zańsyz qorshalǵan

AQTAÝ. QazAqparat - Aqtaý men Jańaózen qalasynda 6 myńnan astam jer zańsyz qorshalǵan. Bul ǵaryshtyq túsirilim kezinde belgili bolǵan, dep habarlaıdy QazAqparat tilshisi.

Qazir jerdi zańsyz qorshap alǵandardyń tizimi jasaqtalyp, tekserý jumystary bastalyp ketti. Búginge deıin Aqtaý qalasy boıynsha 379 jerdi, Jańaózende 81 jerdi turǵyndar óz atyna rásimdep alǵan.

«Qosymsha alynǵan jer boıynsha jergilikti ókiletti organ ákimniń atyna aryz, ótinish jazý arqyly turaqty komıssııa negizinde qarap, taldaý qorytyndysyn berýi kerek. Odan keıingi ornalastyrý jumystaryn sáıkestendirý qujattary boıynsha bizder rásimdep bere alamyz», - dedi «Azamattarǵa arnalǵan úkimet» MK«KEAQ MOF jer kadastry basqarmasynyń basshysy Amanqos Bısembaev.

Mamandar jer telimin der kezinde rásimdemese, aıyppul salynatynyn aıtady.

Aıta keteıik, «Ǵarysh sapary» kosmostyq monıtorıngi alǵash ret osyndaı zańsyz qorshap alynǵan jerler boıynsha túsirilim júrgizdi.

Aldaǵy ýaqytta óńirdiń 5 aýdany da ǵaryshtan túsirilmek.