Mańǵystaýda 6 ekologııalyq joba júzege asyrylyp jatyr

AQTAÝ. QazAqparat - Azamattyq bastamalardy qoldaý ortalyǵynyń uıymdastyrýymen bıyl Mańǵystaý oblysynda 6 ekologııalyq joba qolǵa alynǵan, dep habarlaıdy QazAqparat.

«Ekobatys» jobasy bıyl alǵash ret uıymdastyrylyp otyr.

Elimizdiń batysynan atap aıtqanda Atyraý, Batys Qazaqstan, Mańǵystaý oblysynan bul jobaǵa 15 ekologııalyq qoǵamdyq birlestik tańdalyp otyr.

Onyń altaýy - Mańǵystaý oblysynan.

Atap aıtqanda, oblystaǵy ekologııalyq jobalardy «Kazakh Geographic» qoǵamdyq birlestigi, «Ekomańǵystaý» úkimettik emes mekemesi, «Kaspıı ıtbalyǵyn zertteý jáne ońaltý ortalyǵy» qory, «Haziret» jastar qoǵamdyq kory, «Urpaq nekst» qoǵamdyq qory, «Aser» qoǵamdyq qory iske asyryp jatyr.

Bólingen jalpy grant quny - 60 mıllıon teńge. 15 sáýirde bastalǵan joba 15 qyrkúıekke deıin jalǵaspaq.

Jobanyń negizgi maqsaty - elimizdiń batys óńiriniń ekologııalyq jaǵdaıyn jaqsartý. Turǵyndar arasynda ekomádınetti qalyptastyrý.

Týǵan jerdiń tabıǵaty men taý tasyn qorǵaýdy úıretý, qalany jáne qala mańyndaǵy aýmaqtarda qoqyssyz júıeni qalyptastyrý.

Joba aıasynda jumys istep otyrǵan ekologııalyq qoǵamdyq birlestikterdiń negizigi aýdıtorııasy - balabaqshadaǵy búldirshinderden bastap ýnıversıtet jasyndaǵy stýdentter, jastar.