Mańǵystaýda 6 aıda esirtkige qatysty 188 qylmystyq is tirkelgen
ASTANA. QazAqparat - Jyl basynan beri Mańǵystaý oblysynda esirtkige qatysty 188 qylmystyq is tirkelgen. Onyń ishinde 43 derek esirtki saýdasyna qatysty. Muny óńirlik ishki ister departamenti esirtki bıznesine qarsy kúres basqarmasynyń aǵa jedel ýákili Kamıl Býdaıchıev málimdedi, dep habarlaıdy QazAqparat.
Jalpy óńirde nashaqorlyqtyń aldyn-alý maqsatynda túrli sharalar ótýde. Jaýapty mamandar aqparattyq paraqshalar taratyp, lektsııalar uıymdastyryp jatyr.
«Halyqaralyq nashaqorlyqpen jáne zańsyz esirtki aınalysymen kúres aılyǵy aıasynda lagerlerde 10-nan asa túsindirme jumystary júrgizildi. Mundaı sharalar jyl saıyn ótkizilip turady. Maqsat - jas urpaqtyń boıynda esirtkige degen jek kórýshilik qabiletin qalyptastyrý», - deıdi MO ІІD esirtki bıznesine qarsy kúres basqarmasynyń aǵa jedel ýákili Kamıl Býdaıchıev.
