Mańǵystaýda 50-den astam júkti áıel daýys berdi

AQTAÝ. QazAqparat - Aqtaý qalasyndaǵy Ana men bala ortalyǵynda daýys berý aıaqtaldy, dep habarlaıdy QazAqparat tilshisi.

34-shaǵynaýdandaǵy perzenthanadaǵy áıelder tańǵy 9.00-den bastap daýys bere bastady. Barlyǵy belsendi qatysty.

Jalpy, ortalyqtaǵy 247 kelinshek óz tańdaýyn jasaǵan. Onyń ishinde 56 áıel júkti. 80-nen astamy jańa bosanǵan. Al, 12 áıel bosanýǵa daıyndyq ústinde.

Alǵash ret saılaýǵa qatysqan 18 jastaǵy Móldir Sákenqyzy óz pikirin bildirdi.

«Meniń perzenthanaǵa kelgenime 5 kúndeı boldy, búgin el úshin mańyzdy qadamdy osynda jasadym. Saılaý ýchaskesine barmaı-aq, osyndaı múmkindik jasalǵanyna alǵys aıtqym keledi. Óz tańdaýymdy jasadym», - deıdi.