Mańǵystaýda 5 sport nysanynyń qurylysy júrip jatyr
Sonymen qatar, Aqtaý qalasynda 3 mekteptiń janynan sport alańdary ashyldy. Oblys ákimi Eraly Toǵjanov Elbasynyń jetinshi tapsyrmasyn atap ótip, aktıvte tapsyrmalar júktedi.
«Prezıdenttiń tapsyrmasy boıynsha óńirlik deńgeıde rezervter taýyp, buqaralyq sport pen dene shynyqtyrýdyń qoljetimdiligin arttyrý qajet»,-dedi ol.
Búgingi kúni óńirde halyqty buqaralyq sport jáne dene shynyqtyrýmen qamtý kólemi 29,6% quraıdy, bul - 3 jyl burynǵy kórsetkishten 8 ese artyq.
Sońǵy bir jyldyń ózinde jeke ınvestorlar esebinen 20-dan astam sport alańy men 11 iri sport nysany iske qosyldy.
Aımaq basshysynyń aıtýynsha, aǵymdaǵy jyly fýtboldy damytý jáne qoldaý maqsatynda jeke ınvestıtsııa esebinen jańa fýtbol alańy salynyp, Munaıshy stadıony qaıta jańartylǵan.
Bıyl aımaqta 300-ge jýyq sporttyq shara, onyń 30-ǵa jýyǵy xalyqaralyq jáne respýblıkalyq deńgeıde ótken. Oǵan 28 myńnan astam adam jumyldyryldy.
«Bul kórsetkishpen toqtap qalýǵa bolmaıdy. Qazir Mádenıet jáne sport mınıstrligi óńirlerde 100 dene shynyqtyrý-saýyqtyrý keshenin salý jónindegi arnaıy Jol kartasyn ázirlep jatyr. Dene shynyqtyrý jáne sport basqarmasyna oblys boıynsha qajettilikti shuǵyl arada anyqtap, tıisti ótinimderdi salalyq Mınıstrlikke usynýdy tapsyramyn»,-dedi Eraly Luqpanuly.
Sonymen qatar, qoldanystaǵy sport nysandaryn, ásirese mektepter janyndaǵy sport zaldaryn barynsha tıimdi paıdalaný qajettigi atap ótildi.
Eske sala keteıik, Elbasy Nursultan Nazarbaev halyqqa kezekti Joldaýynda sporttyń damýyna erekshe kóńil bólý kerektigin atap ótti
