Mańǵystaýda 44 daýyl bolǵan
AQTAÝ. QazAqparat - Mańǵystaý oblysy Tótenshe jaǵdaılar departamentiniń biryńǵaı dıspetcherlik qyzmeti 2016 jyly óńirde 44 daýyldyq eskertý jarııalanǵanyn jáne 2015 jylmen salystyrǵanda bul kórsetkishtiń úshten bir ese kóp ekenin málimdedi, dep habarlaıdy «QazAqparat» HAA tilshisi.
«2015 jyly dıspetcherlik qyzmet 32 ret, al 2016 jyly - 44 ret daýyldyq eskertý joldaǵan. Aýa raıy kúrt tómendep, qar men burqasyn jaýǵanda, uıytqı soqqan jel birer saǵattan birneshe táýlikke ulasqanda respýblıkalyq jáne jergilikti mańyzy bar avtomobıl joldarynda kóktaıǵaq bolýy múmkin», - dedi Mańǵystaý oblysy TJD baspasóz qyzmetiniń ókili Gúlnara Qojabekova.
Onyń aıtýynsha, Beıneý aýdanyndaǵy respýblıkalyq jáne jergilikti mańyzy bar avtomobıl joldarynda jáne «Qaraqııa» oıpatynyń eńisinde, «Manat» asýynda, «Quryq-Aqtaý», «Quryq-Jetibaı», «Aqtaý-Jetybaı», «Jetibaı-Ózen-Senek», «Aqtaý-Jańaózen» (30-31jáne 53-58 shaqyrymdar) baǵyttarynda kóktaıǵaq bolýy múmkin. «Aqtaý-Qaraqııa» jolynyń 250 shaqyrymynda, «Shetpe-Aqtaý» avtojolynyń 150-160 shaqyrymynda, «Shetpe-Jańaózen» jolynyń 150-160 shaqyrym bóliginde jáne «Shetpe-Beıneý» jolynyń 250 shaqyrymynda kólikterdiń joldan syrǵyp ketýi tirkeldi.
