Mańǵystaýda 40 jastaǵy eki áıel Jańaózendegi naýqastan koronavırýs juqtyrǵan

AQTAÝ. QazAqparat - Mańǵystaý oblysynda taǵy eki adam koronavırýs ınfektsııasyn juqtyrǵan, dep habarlaıdy QazAqparat oblystyq qoǵamdyq kommýnıkatsııa ortalyǵyna silteme jasap.

Mańǵystaý aýdany Shetpe aýylyndaǵy aýdandyq aýrýhanada koronavırýs ınfektsııasyn juqtyrǵan taǵy eki adam tirkeldi. Eki naýqas ta - 40 jastaǵy áıel.

Olar Jańaózen qalasynda 8 sáýir kúni vırýs anyqtalǵan 1974 jylǵy áıelmen baılanysta bolǵan. Osyǵan oraı karantınge alynyp, qany men aýyz qýysynan alynǵan synamaǵa zerthanalyq saraptama jasalynǵan bolatyn.

Dıagnostıkalyq zerdeleý nátıjesinde ekeýinen de COVID-19 anyqtaldy. Bekitilgen protokol boıynsha em sharalary jasalyp jatyr.

Naýqastarmen baılanysta bolǵan azamattar anyqtalyp, dárigerlerdiń baqylaýyna alyndy. Іndet aýmaǵy zalalsyzdandyrylyp jatyr.

Aıta keteıik, búgingi aqparat boıynsha Qazaqstanda 802 adam koronavırýs juqtyrǵan. Onyń ishinde Mańǵystaýda 9 naýqas bar.

Aqtaýda - 5

Jańaózende - 2

Mańǵystaý aýdanynda - 2.