Mańǵystaýda 4 aıda 38,8 mlrd teńgeniń qurylysy júrgizildi
AQTAÝ. QazAqparat - Mańǵystaý oblysynyń ákimi Eraly Toǵjanovtyń tóraǵalyǵymen apparattyq jıyn ótti, dep habarlaıdy óńir basshysynyń baspasóz qyzmeti.
Onda áleýmettik-ekonomıkalyq damý qorytyndysy jáne 2018 jylǵy 4 aıdaǵy jergilikti bıýdjettiń ıgerilýi, 2017 - 2018 jylǵy jylytý maýsymynyń ótý qorytyndysy jáne aldaǵy jylytý maýsymyna daıyndyq týraly máseleler qaraldy.
Áleýmettik-ekonomıkalyq damý qorytyndysy jáne 2018 jylǵy qańtar-sáýir aıyndaǵy ekonomıkanyń nysanaly ósý ındıkatorlarynyń atqarylýy týraly Ekonomıka jáne bıýdjettik josparlaý basqarmasy basshysynyń mindetin atqarýshy Halıla Nurǵalıeva baıandady.
Mańǵystaý oblysynda aǵymdaǵy jyldyń qańtar-sáýir aılarynda qysqa merzimdi ekonomıkalyq ındıkator 103,2% qurady (2017 jylǵy qańtar-sáýirde 99,1%). Ónerkásip óniminiń kólem ındeksi - 101,5%, óndirilgen ónim - 910,0 mlrd. teńge. 2018 jyldyń 4 aıy ishinde 38,8 mlrd teńgege qurylys jumystary júrgizildi (2017 jylǵy qańtar-sáýirde - 29,2 mlrd teńge).
Kásipkerlikti qoldaý Kartasynyń sheńberinde aǵymdaǵy jyly jalpy somasy 11,5 mlrd teńge bolatyn 4 joba josparlanǵan (jalpy sany 223 jańa jumys orny qurylady). Atap aıtqanda, Polımerlik qaptamasyn óndirý zaýyty; Jıhaz jáne plastıkalyq terezelerdi daıyndaýǵa arnalǵan óndiristik tseh; Kabelder men transformatorlar óndiretin zaýyt; Kún jáne jel elektr stantsııasy. Onyń ishinde Munaıly aýdany Batyr aýylynda quny 1,2 mlrd teńge bolatyn qýattylyǵy 2 MVt kún jáne jel elektr stantsııasynyń qurylysy aıaqtalyp, paıdalanýǵa berildi. Jańa nysan 10 adamdy jumyspen qamtydy.
Jıyn barysynda 2018 jylǵy 4 aıdaǵy jergilikti bıýdjettiń atqarylýy týraly Oblystyq qarjy basqarmasynyń basshysy Marına Álibekova málimdedi.
Aǵymdaǵy jyldyń 1 mamyr aıyndaǵy jaǵdaı boıynsha oblystyń jergilikti bıýdjetiniń tabysy 46,9 mlrd teńgeni nemese esepti kezeńde jospardyń 106,1%-yn qurady (jospar 44,2 mlrd teńge). Sondaı-aq, 4 aıdaǵy oblystyq bıýdjettiń shyǵystary 48,7 mlrd teńgege nemese esepti kezeńde 96,6% oryndaldy ( jospar 50,4 mlrd teńge).
«Oblystyq bıýdjette 189 obektige arnalǵan jobalyq-smetalyq qujattardy ázirleýge jáne onyń qurylys jumystaryna qarajat qarastyryldy (Respýblıkalyq bıýdjet - 21, jergilikti bıýdjet - 168), onyń ishinde: 2017 jyldan 2018 jylǵa ótken 133 nysan jáne 56 jańa nysan. 53 obektige konkýrs jarııalandy. Tek 32 nysannyń nátıjeleri jınaqtalyp, 9 nysan komıssııa qaraýynda», - dedi Mańǵystaý oblystyq qarjy basqarmasynyń basshysy Marına Álibekova.
Sonymen qatar, 2017-2018 jylǵy jylytý maýsymynyń ótý qorytyndysy jáne aldaǵy jylytý maýsymyna daıyndyq týraly Oblystyq energetıka jáne turǵyn úı-kommýnaldyq sharýashylyq basqarmasynyń basshysy Sapar Amanbekov baıandama jasady.
Aldaǵy jylytý maýsymynyń ornyqty ótýi úshin jergilikti bıýdjetten 1,089 mlrd teńge qarastyryldy.
««MREK» AQ jáne «QazTransGaz Aımaq» AQ ınvestıtsııalyq baǵdarlamasy aıasynda 6,3 mlrd teńge qaraldy:
- Kaspıı energetıkalyq HABy» syrtqy ınfraqurylym qurylysy şeńberinde kerneýi 110 kV elektr taratý jelisin jáne 110/10 kV QS 2 qosalqy stantsııasyn salý - 5,1 mlrd teńge;
- Beıneý, Túpqaraǵan, Munaıly aýdandaryndaǵy eldi mekenderdi gazdandyrý boıynsha 9 jobany iske asyrý - 1,2 mlrd teńge. Atqarylatyn jumystar bekitilgen kestege sáıkes júrgiziledi jáne únemi qatań baqylaýda bolady», - dedi Mańǵystaý oblystyq energetıka jáne turǵyn úı-kommýnaldyq sharýashylyq basqarmasynyń basshysy Sapar Amanbekov.
