Mańǵystaýda 39 jastaǵy áıelge izdeý salyndy
AQTAÝ. QazAqparat - Mańǵystaýda 1980 jyly týǵan azamatshaǵa izdeý salynady, dep habarlaıdy QazAqparat tilshisi.
Mańǵystaý oblystyq Polıtsııa departamentiniń habarlaýynsha, Alıma Kýlchıkova Aqtaýda 3B shaǵyn aýdanynda ornalasqan polıtehnıka kolledjinen 18-qyrkúıek kúni belgisiz baǵytqa qaraı shyǵyp ketken.
Sol ýaqyttan beri habarsyz.
Ústinde sur tústi pıdjak, qyzǵylt tústi kofta, qara tústi ıýbka, ózimen birge jasyl sómke bolǵan.
Azamatshanyń boıy shamamen 155-160 sm, ortasha deneli, shashy qysqa qara tústi, meńi bar.
Polıtsııa departamenti qandaı da málimetter bolǵan jaǵdaıda, 47-48-10, 47-48-25, 53-18-22, 8778 666 27 72 nómirine habarlasýdy suraıdy.
