Mańǵystaýda 365 oqýshy kásipkerlikti úırendi
ASTANA. QazAqparat - Óńirde 365 oqýshy «Kásipker bolamyn» jobasy aıasynda bıznes negizderin úırengen, - dep habarlaıdy Qazaqparat tilshisi.
Memleket basshysynyń Joldaýynda júktelgen tapsyrmalardy júzege asyrý aıasynda, jobany oblystyq bıýdjet esebinen «Al-Farabi Education» Business Academy júzege asyrǵan. Baǵdarlama maqsaty - joǵary synyp oqýshylaryn bıznes negizderine oqytý, kásipkerlik sanany damytý, mektep, iskerlik qaýymdastyqty kúsheıtý.
Joba qańtar aıynan bastalyp, maýsym aıynda aıaqtalǵan. Oǵan óńirdiń 12 mektebinen 365 oqýshy qamtylǵan.
Bastapqy kezeńderde ortalyq qyzmetkerleri 85 bıznes-trenerdi daıyndaǵan. Keıin oblystyń jetekshi kásipkerleri men ónerkásiptik kásiporyndary basshylary birlesip, joǵary synyp oqýshylarymen óz kásibi syrlarymen bólise otyryp, sheberlik sabaqtaryn ótkizgen.
Jobanyń qorytyndy kezeńinde Respýblıkaǵa tanymal bıznes-trenerler kelgen. Olardyń qatarynda qazaqstandyq telejúrgizýshi, televızııalyq prodıýser Láılá Sultanqyzy, Doma Doma Production leıbli, kompozıtor, mýzykant, prodıýser - Samson Arakelıan (Big Som), ınstavaınerler medıa-jobasynyń jetekshisi, «Upgrade Group» JShS bas dırektory Abylaı ıÝsýpov, «Habar» agenttiginiń arnaıy jobalar qyzmetiniń jetekshisi Órken Kenjebek, polıtolog, buqaralyq kommýnıkatsııalar salasynyń sarapshysy Alına Hamatdınova, bıznes-trener Aıgerım Ahmetjanova, «Baikadam Media Group» oqytý ortalyǵynyń dırektory Nurlan Janaılar bar.
Oqýshylarǵa óz tájirıbesimen bólisken Láılá Sultanqyzy olardyń talantty ári jetistikke degen qushtarlyǵy zor ekenin atap ótti.
«Aqtaýlyq oqýshylarmen «Kásipker bolamyn!" atty joba aıasynda keremet kezdesý ótti. Bıznestegi tájirıbem, josparlarym týraly aıtyp, áleýmettik kommýnıkatsııa taqyrybynda da oı bólistik», - deıdi tanymal telejúrgizýshi.
Sońǵy kezeńge 150 joǵary synyp oqýshysy qatysqan. Olar «Áleýmettik baılanys», «Motıvatsııa jáne maqsat qoıý», «Bıznes-josparlaýdyń negizderi», «Marketıng, kreatıvti oılaý» taqyryptarynda bilimderin shyńdaǵan.
«Sonymen qatar, joǵary synyp oqýshylaryna kúnniń taqyrybyna oraı qyzyqty kvestter, fleshmobtar jáne lagerlik alaý janyndaǵy suhbattar uıymdastyrylǵan. Lagerdiń qorytyndysy retinde oqýshylardyń bıznes-josparlary men jobalarynyń prezentatsııalary jasaldy», - deıdi «Al-Farabi Education» Business Academy seriktestiginiń menedjeri Aıgerim Bekenova.
«Kásipker bolamyn!» jobasy aıasynda qańtar aıynan bastap, bıznes lagerge arnaıy qonaqtar shaqyrtylyp, olar óz tájirıbelerimen bólisken.
Joba qatysýshylary nátıjesinde áleýmettik jelilerde kommertsııalyq kompanııalarǵa tán vırtýaldy kompanııalar qurýdy úırenip, óz jobalaryn qorǵaǵan.
Aıgerim Bekenovanyń aıtýynsha, lagerdiń sońǵy kúni 18 joba qorǵalyp, onyń ishinen 3 joba úzdik dep tanylǵan. 1 oryn ıegerlerine 150 myń teńgeden, yntalandyrý syılyǵy retinde 100 myń teńgeden grant bólingen.
«Happyland» merekelik agenttigi» jobasy 1 oryn ıelengen. Jobany Aqtaý qalasynyń №2 orta mektep oqýshylary: Fýks Vıoletta, Aıtımova Madına, Aýbakırova Alına, Ýgaı Valerııa, Bajenov Petr, Modenov Aleksandr, Hachatrıan Davıd, Abbosov Mýhamedalı, Gýsev Egor syndy qatysýshylar birigip jasaǵan.
Al «Kıizden jasalǵan sándik buıymdar» jobasy yntalandyrý syılyǵyna laıyq dep tanylǵan. Ony Túpqaraǵan aýdany, «Aqshuqyr» mektep lıtseıiniń oqýshysy Sultanmurat Aıgúlim jasaqtaǵan.
Sonymen qatar, «Tastúlek» qus sharýashylyǵy» jobasy da úzdikter qataryna engen. Ony Munaıly aýdanynan kelgen №3 orta mektep oqýshylary Bópejan Raıymbek, Qýanov Samat usynǵan.
Merekelik jabylý salatanatynda oblys ákiminiń orynbasary Sholpan Іlmuhanbetova, oblystyq kásipkerlik jáne saýda basqarma basshysy Venera Mustapeva qatysyp, jeńmpazdardy marapattaǵan.
Sholpan Іlmuhanbetova jobanyń kelesi jyly da jalǵasyn tabýy tıis ekenin aıtyp, erekshelikteri men jetistikterine toqtalǵan.
«Kásipker bolamyn» jobasy oqýshylarǵa naǵyz kerek joba. Bos ýaqytyn bosqa ótkizbeı, kásipker bolýǵa, jastaıynan isti meńgerýge mashyqtaıdy. Bul arqyly bolashaqta Mańǵystaýda qanshama iri kásipkerler shyǵýǵa múmkindik bar»,-dedi ol.
