Mańǵystaýda 352 boryshker alıment tólemeı qashyp júr

AQTAÝ. QazAqparat - Mańǵystaý oblysynda 352 er adam alıment tólemeı jaltaryp júr. Bul týraly qoǵamdyq kommýnıkatsııa ortalyǵynda ótken brıfıngte Mańǵystaý oblystyq ádilet departamenti basshysynyń orynbasary Aızat Tilenbaev málim etti, dep habarlaıdy QazAqparat.

Spıkerdiń aıtýynsha, jyl basynan beri alıment boıynsha 10 268 is bolǵan.

- Búgingi tańda alıment boıynsha qaralǵan isten 6343 er adamnyń alımenti jumys orny boıynsha ustalyp otyr, 3573 er adam óz betinshe tólep otyr. Al, qalǵan 352 boryshker alıment tólemeı jaltaryp júr. Jalpy kórsetkish jyl saıyn artyp keledi, - dedi Aızat Tilenbaev.

Aızat Tilenbaev alıment óndirip alý boıynsha tegin qyzmet kórsetetin advokattar bar ekenin atap ótti.

- Advokattar tegin zań kómegin quqyqtyq aqparat berý túrinde, sondaı-aq qajet bolǵan jaǵdaıda ótinishti, shaǵymdy, ótinishhatty jáne quqyqtyq sıpattaǵy basqa da qujattardy jasaý arqyly kórsetedi. Alıment óndirip alý boıynsha tegin zań kómegin kórsetetin advokattardyń tizimi ádilet departamentiniń resmı saıtynda jáne áleýmettik jeli betterinde jarııalanǵan, - dedi Aızat Tilenbaev.