Mańǵystaýda 3 myń oryndyq jataqhana qurylysy bastalady
ASTANA. QazAqparat - Mańǵystaýda 3 myń oryndyq jataqhana qurylysy bastalady. Mańǵystaý oblystyq óńirlik kommýnıkatsııalar qyzmetiniń málimetinshe, bul jaıynda Jastar saıasaty basqarmasynyń basshysy Baýyrjan Tuıaqov aıtqan, dep habarlaıdy QazAqpara tilshisi.
Atalǵan qyzmet málimetinshe, óńirde «7-20-25» baǵdarlamasy tabysty júzege asyrylýda. Máselen, atalǵan baǵdarlama aıasynda 241 otbasy baspanaly bolsa, sonyń 200-i jas otbasy.
«Mańǵystaý oblysy baspana qurylysy boıynsha elimizde kóshbasshylyq orynǵa ıe bolyp keledi. Sonymen qatar 3000 oryndyq jataqhananyń qurylysy bastalady. Al «Dıplommen alýǵa» baǵdarlamasy boıynsha 200-den astam jasqa úı alýǵa nesıe beriledi», - dep atap ótedi óńirlik kommýnıkatsııalar qyzmetinen.
