Mańǵystaýda 3 myń bótelkeden astam zańsyz alkogol anyqtaldy

NUR-SULTAN. QazAqparat - Mańǵystaý oblysyndaǵy Munaıly aýdanynyń qoıma úı-jaılarynyń birinde esepke alý-baqylaý tańbalary kúmándi 3 176 bótelke alkogol ónimin zańsyz saqtaý faktisi anyqtaldy. Aktsızdeletin ónimderdiń zańsyz aınalymyn anyqtaý jáne jolyn kesý boıynsha is-shara Memlekettik kirister jáne Ekonomıkalyq tergeý departamentiniń birlesýimen ótti, dep habarlaıdy QazAqparat.

«Jeke tulǵanyń tıisti ruqsat qujattary bolmaǵan. Alaıda, oblysta alkogol ónimderin satýmen aınalysqany belgili boldy. Anyqtalǵan alkogol ónimi tárkilenip, jaýapty ýákiletti uıymǵa saqtaýǵa berildi. Qazirgi tańda jalǵan alkogol ónimderin jetkizýshiler men naqty menshik ıeleri, sondaı-aq óndiris jáne satý oryndary belgilenip jatyr» - delingen aqparattyq málimdemede.

Mamandardyń aıtýynsha, aktsızdeletin ónimderdiń zańsyz aınalymy memleketke jáne zańǵa baǵynatyn bıznes sýbektilerine aıtarlyqtaı zııan keltiredi. Sondaı-aq, tutynýshy densaýlyǵyna da zalal tıgizýi yqtımal.

Aıta ketsek, Túrkistan men Shymkentte alkogol óndiretin jasyryn tsehtar anyqtalǵan bolatyn.