Mańǵystaýda 21 jastaǵy qyz joǵalyp ketti
AQTAÝ. QazAqparat - Mańǵystaý oblysy Munaıly aýdanynyń turǵyny Qyrmyzy Enepııaeva Omarhanqyzy is-tússiz joǵalyp ketti. Ol 10 shilde kúni úıinen shyǵyp ketkennen oralmaǵan, dep habarlaıdy QazAqparat tilshisi.
21 jasar Qyrmyzynyń sońǵy ret 31 shaǵyn aýdandaǵy «Maǵash» bazarynan shyǵyp bara jatqany beınetaspaǵa túsip qalǵan.
Týystarynyń aıtýynsha, ol joldasyna habarlasyp, taksıge otyrǵanyn aıtady. Úıge bara jatyrmyn dep habarlaǵan. Alaıda, osydan soń telefony óship qalady. Úıge de oralmaǵan.
Aıta keteıik, ústinde aq tústi kóılek, aq tústi slansy bolǵan. Erekshe belgileri: boıy shamamen 160-165 sm, tolyq deneli, shashy qara tústi (túıilgen).
Týystary qandaı da bolmasyn málimetter bolǵan jaǵdaıda tómendegi telefon nómirlerine habarlasýdy suraıdy: 47-48-10, 47-48-25, 47-48-02, 53-18-22, 87786662772, nemese 102.
