Mańǵystaýda 20 shaǵyn kemeniń ıeleri jaýapkershilikke tartyldy
AQTAÝ. QazAqparat - Mańǵystaý oblysynda 100 shaǵyn kemeni tekserý 1 maýsymda bastaldy. Reıd qorytyndysy Mańǵystaý ákiminiń orynbasary Ánýar Shójeǵulovtyń tóraǵalyǵymen Kaspıı teńizi jaǵalaýynda shaǵyn kemelerdi durys paıdalaný, jaǵajaı, demalys oryndaryń qaýipsizdigin qamtamasyz etý boıynsha májiliste aıtyldy.
«1 maýsymnan bastap búginge deıin 100-den astam shaǵyn keme qaralyp, 30 dan astam zań buzýshy ákimshilik jaýapkershilikke tartyldy. Ekeýine buzýshylyqty joıǵanǵa deıin kemeni paıdalanýǵa tyıym salý týraly nusqama berildi. Ustalǵan kezde tıisti qyzmetterden keme bıleti men olardy basqarýǵa quqyq beretin kýáliktiń túpnusqasy bolýyn talap etýdi tapsyramyn. Bort nómiri men keme bıleti sáıkes bolýy tıis. Zań buzǵandardy ustaý faktisi boıynsha materıaldar ákimshilik jaýapkershilikke tartý úshin Mańǵystaý oblysy boıynsha kóliktik baqylaý ınspektsııasyna jiberiledi», - dep atap ótti oblys ákiminiń orynbasary Á.Shójeǵulov.
Ýákiletti organdarǵa teńiz mańyndaǵy shaǵyn kemelerdi turaqty tekserip otyrý usynyldy.
