Mańǵystaýda 20 myńnan asa oqýshy jańa oqý jylyn bastady
AQTAÝ.QazAqparat - Mańǵystaýda 20 myńnan astam bilim alýshy mektep tabaldyryǵyn attady, dep habarlaıdy QazAqparat tilshisi.
Alǵashqy qońyraý soǵylǵan bilim ordalardyń arasynda Aqtaý qalasynda ornalasqan №19 mektep-gımnazııasy bar. Bıyl 3300-ge jýyq oqýshy qabyldaǵan mektep merekege oraı saltanatty shara ótkizip, balalardy qushaq jaıa qarsy aldy.
«Óńirde 4 mekteptiń qurylysy júrip jatyr. Memleket jas urpaqtyń jarqyn bolashaǵy úshin jan-jaqty jaǵdaı jasap jatyr. Elimizdi sizderge senip tapsyramyz, - dedi Mańǵystaý oblysy ákiminiń orynbasary Ulyqbek Tnalıev.
Sondaı-aq, №19 mektep-gımnazııasyna bıylǵy oqý jylynda 350 oqýshy 1-synypqa aıaq basty. Mektep dırektory Madına Abzıevanyń aıtýynsha, 100-ge jýyq túlek oqý ordasynan ushyp shyǵady.
«№19 mektep-gımnazııanyń ashylǵanyna az ýaqyt bolsa da úzdik 5 mekteptiń qataryna kirip otyr. Balaǵa durys tárbıe berý úshin bilim ordamyzda 300-ge jýyq ustaz qyzmet etedi. Bizdiń maqsat-el ıgiligi jolynda eńbek etetin bilimdi azamattardy tárbıeleý. Olardy bilim nárimen sýsyndatý. Sol úshinde talpynyp, barymyzdy salyp kelemiz», - dedi Madına Abzıeva.
Atalǵan mekteptiń 10- synyp oqýshysy Gúlsim Bazar jańa oqý jylynan úlken úmit kútetinin aıtady.
